Plantun de Prouvènço

Pèr coumpara dos planto d'encò nostre

Plantago bellardii & Verbascum lychnitis

Plantago bellardii

Plantaginaceae

Nom en français : Plantain de Bellardi.

Descripcioun :
Aquéu plantage de l'an trachis dins li repiero seco sus siliço o argielo. Es uno planto de coustiero que s'aluencho raramen de la mar. Se recounèis subretout qu'èi pelu d'en pertout ; de péu pas trop noumbrous, mai long e que s'escarton bèn di cambo e di fueio. Poudèn apoundre que lis antèro an uno pouncho (fotò).

Usanço :
Emai aguèn ges d'entresigne segur, poudèn pensa que, coume tóuti li plantage, aquéu èi bessai vertuous. Emé si long péu dèu pas èstre bèn manjadis.

Port : Erbo
Taio : 3 à 12 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Plantago
Famiho : Plantaginaceae

Ordre : Lamiales

Coulour de la flour : Verdo
Petalo : 4
Ø (o loungour) enflourejado : 2 à 6 cm
Flourido : Printèms

Sòu : Si
Autour basso e auto : 0 à 1000 m
Aparado : Noun
Remarco : Planto de coustiero
Mars à jun

Liò : Tepiero seco
Estànci : Termoumediterran à Mesoumediterran
Couroulougi : Estenoumediterrano
Ref. sc. : Plantago bellardii All., 1785

Bouioun-femello

Verbascum lychnitis

Scrophulariaceae

Àutri noum : Co-de-loup, Coue-de-loup.

Nom en français : Molène lychnite.

Descripcioun :
Lou bouioun-femello trachis dins lis ermas e proche d'oustau, dins li colo e en basso mountagno. La planto èi ramificado, floucounouso dins l'enflourejado, emé lis estamino di péu jauno e de fueio verdo dessubre (soun un pau blanco dessouto). Coumpara emé lis autre verbascum dis estamino jauno pèr pas s'engana .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 30 à 150 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Verbascum
Famiho : Scrophulariaceae

Ordre : Lamiales

Coulour de la flour : Jauno
Petalo : 5
Ø (o loungour) flour : 1 à 2 cm
Flourido : Estiéu

Sòu : Ca
Autour basso e auto : 0 à 2300 m
Aparado : Noun

Liò : Escoumbre e proche dis oustau - Ermas - Tepiero seco - Colo
Estànci : Subremediterran à Subaupen
Couroulougi : Éurasiatico
Ref. sc. : Verbascum lychnitis L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Plantago bellardii & Verbascum lychnitis

ges

Coumpara Plantage(-de-Bellardi) emé uno autro planto

Coumpara Bouioun-femello emé uno autro planto